مسرحية....هههههه

الأدوار:العمدة ــ الغفيرــ الأبن ــ الدكتور
العمدة
(الفصل الأول)

تبدأ المسرحية عندما يكون العمدة جالس علي الكرسي ويهتز وهو بيغني:-
العمدة: { ايا ليل ايا ليل }.
فيدخل عليه الغفير فجأه.
الغفير: الحق يا عمده.
فيقوم العمدة من علي الكرسي.
العمدة: في ايه يا وله.
الغفير: مصيبة.
العمدة: ايه مراتي ماتت.
الغفير: ياريت.
العمدة: هقولها ,امال في ايه سيبت ركبي .
الغفير: طبق الشوربه بتاعك.
العمدة: ماله,وقع.
الغفير: لا,برد.
فيقوم العمدة من علي الكرسي ويقوم بدفعه بقوة ويقوله:وبتقلي مصيبة ياأخي أنجر.

وبهذا ينتهي الفصل الاول !!!!

(الفصل الثاني)
يبدأ الفصل الثاني عندما يجلس العمدة علي الكرسي مرة ثانية وتبدأ:ـ
العمدة: ايا ليل ايا ليل.
فيدخل عليه الابن فجأه.
الابـن: يابوي.
العمدة: في ايه يا وله.
الابـن: هات المصروف.
العمدة: خذ خمسه جنيه أهه.
الابـن: دي ماتجبشي باكو بسكوت.
العمدة: طب خذ عشرة جنيه اهه.
الابـن: دي ما تجبشي باكو لبان.
العمدة: خلاص خذ عشرين جنيه ويلا امشي.
يخرج الابن وبعد فترة يدخل الغفير فجأة.
الغفير: الحق يا عمدة.
فيقوم العمدة من علي الكرسي.
العمدة: في ايه يا وله.
الغفير: مصيبة يا عمدة.
العمدة: عارف لو طلعت ذي طبق الشوربه أنا هرفدك.
الغفير: لا يا عمدة ما تخفش.
العمدة: في ايه يا وله قلقتني.
الغفير: البهيمة بتعتك.
العمدة: مالها,هربت.
الغفير: لا,مكلتش انهارده.
فيقوم العمدة من علي الكرسي ويقوم بدفعه بقوة ويقوله:وبتقلي مصيبة ياأخي أنجر.
وبهذا ينتهي الفصلالثاني!!!!
الفصل الثالث


يبدأ الفصل الثاني عندما يجلس العمدة علي الكرسي مرة ثالثة وتبدأ:ـ
العمدة: ايا ليل ايا ليل.
فيدخل عليه الغفير فجأه.
الغفير: الحق ياعمدة.
فيقوم العمدة من علي الكرسي.
العمدة: في ايه يا وله.
الغفير: خبرين واحد زفت وواحد حلو.ابدأ بايه.
العمدة: ابدا بالزفت يا فأري.
الغفير: الجلبيه بتاعتك.
العمده: مالها أوعي تقولي وقعت.
الغفير: صح عرفت منين,دأنت عليك حاجات غريبة.
العمدة: من غبائك.والخبر الحلو.
الغفير: أبنك.
العمدة: ماله, نجح.
الغفير: لا ,بينه مات ,عربية دهسته.

فيقوم العمدة من علي الكرسي ويقوم بدفعه بقوة ويقوله:وبتقلي أفرح ياأخي أنجر.وريني فين.

وبهذا ينتهي الفصل الثالث!!!!


الفصل الرابع

يجر الغفير والعمدة الي الابن فيجدوه ملقي على الأرض فيقول العمدة للغفير روح اجري هات الدكتور
فياتي الدكتور مسرعاً ويبدأ الفصل الرابع:ـ
الدكتور: خبر ايه ياعمدة,أبنك ماله.
العـمـدة: خبطته عربية بعيد عنك.أكشف علية كدا يادكتور.
(وقبل ما يكشف عليه الدكتور فيجد الغفير يكشف
عليه مـن رجـله فـيقوم العـمـدة بشده مـن قـفـاه
ويقول له ماذا تفعل يخرب بيت غبائك.

وينزل الدكتورعلى الارض ويكشف عليه ثم يقوم)
العـمـدة: خبر أيه يا دكتور أبني ماله.
الدكتور: لا أطمن بسيطه.
العمــدة: الحمد لله طمنتني.
الدكتور: نقص دم.
العـمـدة: نقص دم وبتقولي بسيطه.
طب أيه أنواع الدم عند كم.
الدكتور: عندي دم أسرائيلي بست الاف جنيه.
العـمـدة: عوزني ادي لابني دم اسرائيلي .
وكمان بست الاف جنيه.
الدكتور: خلاص يا عمدة عندي دم أمريكي معفن
بالف جنيه.
العـمـدة: عوزني ادي لابني د م امريكي معفن بالف جنيه.





الدكتور: خلاص ياعمدة عندي دم متنطور في كل مكان.
العـمـدة: وايه الدم اللي متنطور في كل مكان ده .
الدكتور: دم العرب.
العـمـدة: دم العرب!حتي الدم ده بقي متنطور في كل مكان.
أكشف عليه تاني يا دكتور.
الدكتور: ابنك مات يا عمدة البقيا في حياتك.
فينزل العمدة والغفير علي الابن ويبكيان.
ثم يقوم الغفير ويخرج من حزنه علي ابن العمده
الي حزن أخر ثم يقول:ـ
بقي هو ده حال البلد دم الغريب بيتباع باغلي
الثمن ودم العرب بيتباع بارخص الثمن الغريب
فيها بيتحكم باصحاب البلد دلوقتي بس اقدر اقلكم
البلد دي عمرها ماهتتحرر الا من اهل
البلد..............



!!!!! أنتهت المسرحية أرجو أن تعجبكم!!!!!